Општина Богданци                                                                                          

СООПШТЕНИЕ ПО ПОВОД ПРЕТСТОЈНИОТ ПРАЗНИК БОГОЈАВЛЕНИЕ (ВОДИЦИ)

          Општина Богданци по повод претстојниот празник Богојавление (Водици) во соработка со Свештените лица ќе oрганизира фрлање на  Светиот крст во водите на брана „Паљурци“ во Богданци со почеток во 12.30часот.

          Фрлањето на крстот во с.Ѓавото ќе биде со почеток во 09.30 часот, а во с.Стојаково во 11.30 часот.

          За таа цел, се повикуваат сите заинтересирани граѓани на ден 19.01.2018 година да присуствуваат на оваа манифестација и со својата масовност да го одбележат овој голем ден за сите христијани.

          Во духот на христијанската вера и обичаи, лицето кое ќе го фати крстотќе биде даруван, по традиција, од Градоначалникот на општина Богданци, Блаже Шапов.

 

СООПШТЕНИЕ ЗА ПОДНЕСУВАЊЕ НА ДАНОЧНА ПРИЈАВА

Ве известуваме дека согласно член 29 од Законот за даноците на имот („Службен весник на Р.Македонија“ бр. 61/04, 92/07, 102/08, 35/11, 53/11, 84/12, 188/13, 154/15, 192/15 и 23/16) обврзникот на данокот на имот е должен да поднесе даночна пријава до 31 Јануари во годината за која се врши утврдување на данокот.

Обврзникот на данокот на имот кој поднел даночна пријава нема обврска за истиот имот да поднесе нова пријава, доколку нема промени на податоците содржани во претходно поднесената даночна пријава, а кои се од влијание за висината на даночната обврска.

Но, за имотот што го стекнува или почнува да го користи во текот на годината или ако по некоја друга основа настанува даночна обврска, обврзникот е должен да поднесе даночна пријава во рок од 15 дена од денот на стекнувањето на имотот, или од отпочнувањето на користењето на имотот, односно од настанувањето на даночната обврска.

Пријаватасе поднесува до општинската администрацијакаде што се наоѓа имотот.

СВИКАНА ШЕСТАТА СЕДНИЦА НА СОВЕТОТ НА ОПШТИНА БОГДАНЦИ

Почитувани,

Ве известуваме дека шестата седница на Советот на општина Богданци е закажана за ден 04.01.2018 година (Четврток) со почеток во 13.00 часот во салата на Советот на општина Богданци.    

На седницата ќе се работи по следниот     

ДНЕВЕН  РЕД

 

1. Предлог-Одлука за пристапување на Општина Богданци како соосновач на Здружението Локална Акциска Група „Бојмија“ за општините Валандово, Богданци, Гевгелија и Дојран;

2. Разгледување на Годишна програма за работа на ЈП „Комунална чистота“-Богданци за 2018 година;

3. Разгледување на Годишен план за вработување на ЈП „Комунална чистота“-Богданци за 2018 година;

4. Разгледување на Одлука за утврдување на вредноста на бодот за пресметување на плати на вработените во ЈП „Комунална чистота“-Богданци;

5. Разгледување на Одлука за покачување на дневна такса за градски пазар.

6. Советнички прашања.

 

 

ПРОДОЛЖЕН РОКОТ ЗА ЛЕГАЛИЗИРАЊЕ НА БЕСПРАВНО ИЗГРАДЕНИТЕ ОБЈЕКТИ

Почитувани,

Ве известуваме дека согласно измените на Законот за постапување со бесправно изградени објекти („Службен весник на Р.М. бр.190/17), кои влегоа во сила на 01.01.2018 година, имателите на бесправни објекти на кои заклучно со 03.03.2011 година се изведени градежните и инсталатерските работи во целост и истите претставуваат градежна и функционална целина, можат да поднесат барање за утврдување на правен статус на бесправен објект заедно со целокупната потребна документација најдоцна до 31.12.2018 година.

Барателите на кои до денот на започнувањето на примената на законот им било одбиено барањето поради некомплетирана документација, можат да поднесат ново барање за утврдување на правен статус на бесправен објект заедно со целокупната потребна документација најдоцна до 30. 06.2018 година.

Согласно измените на законот, пак, за имателите на бесправни објекти кои имаат поднесено барање за легализација во 2015 и 2016 година рокот за доставување на геодетски елаборат е 30.06.2018 година.

Барателите кои во законските рокови нема да ја достават потребната документација, надлежниот орган ќе им го одбие барањето за утврдување на правен статус на бесправен обејкт.

КОЛЕДАРСКИ ОГАН ВО БОГДАНЦИ И СТОЈАКОВО

Почитувани, имаме голема чест да ве поканиме да присуствувате на традиционалното палење на коледарскиот оган.

Во Богданци настанот ке се оддржи во Петок, 05.01.2018 година, во Гратскиот парк со почеток во 18 часот.

Настанот е во организација на општина Богданци со поддршка на Лебопекара ММ и Солун 53 маркети.

Во Сабота, 06.01.2018 година, истиот настан во организација на Месната Заедница Стојаково ке се оддржи во населено место Стојаково збогатен со оддржување на забавна програма во Домот на култура Стојаково со почеток во 20 часот. 

 

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
852536

Посетители

1391351
Денес
Вчера
Оваа недела
Овој месец
Вкупно
504
1338
13040
34944
1391351

Server Time: 2018-02-18 08:26:19

 

 

 

 

 

 
 
 
 
 
 
 
 
 
 
 
 
Joomla template by Joomlashine.com