Општина Богданци                                                                                          

Општина Богданци на NEXPO 2013

   Општина Богданци е една од ретките македонски општини што ќе учествува на големата манифестација на општини во Југоисточна Европа NEXPO 2013, која се одржува од 25 до 27 септември во Опатија и во Ријека, Република Хрватска.

   Општина Богданци преставувана од Анастасија Олумчева, Градоначалник на Општина Богданци пред потенцијалните инвеститори и експерти ќе ја има можноста да ги презентира проектите на општината во областа на енергетска ефикасност и обновливи извори на енергија. Олумчева ќе ги истакне и потенцијалите кои инвеститорите ќе ги имаат да се развијат на територијата на Република Македонија, Југоисточниот регион и Општина Богданци.

   Организатор на  овој саем на локални власти во Југоисточна Европа е NALAS, мрежата која обединува 16 асоцијации на 8.000 локални власти од овој дел на Европа, директно избрани од повеќе од 80 милиони жители од регионот.

   На овој меѓународен саем на општини на се очекува присуство на високи претставници на Европската Унија, околу 250 градоначалници од ЈИЕ и здруженија, како и повеќе развојни агенции, граѓански здруженија и бизнисмени од Европа. NEXPO 2013 има цел да ја промовира улогата на локалните власти во процесот на децентрализација, поврзувањето и соработката во мрежата на општини, како и во изградба на регионални бизнис-врски и обезбедување одржлив развој на истите.

   Централни теми на дискусија на овој Меѓународен саем на општини на Југоисточна Европа ќе бидат од сферата на бизнисот и создавање на можности за инвестиции преку промоција на проекти од сферата на енергетска ефикасност и користење на обновливи извори на енергија.

   Овој меѓународен саем на општини годинава се очекува да има повеќе од 4.000 учесници, кои своите потенцијали ќе ги претстават на околу 4.000 квадратни метри изложбен простор.

 
 
 
 

Општина Богданци организираше “Марш со велосипеди, тротинети, ролери, скироли и пешачење„

   На 20.09.2013  година, со почеток во 10.30 часот, а по повод 22 септември –  “Меѓународен ден без автомобили“ Општина Богданци организираше “Марш со  велосипеди, тротинети, ролери, скироли и пешачење„.
  Овој настан е дел од  Европската недела на мобилност која трае од 16-22 септември 2013 година.
   Учество во Маршот земаа учениците од основните и средното училиште во  Богданци и населените места како и најмалите од детската градинка во Богданци,  тргнувајќи од три локации низ градот се пешачеше и возеше на велосипеди, ролери, скироли и тротинети. На маршот му се придружија и голем број на граѓани
 меѓу кои и Анастасија Олумчева, Градоначалник на Општина Богданци која изјави:
  • „Богданци е мала општина и нашата заедница е редовен интегратор на практиките за заштита на околината и здравјето. Во последно време воздухот станува толку загаден  то нашите бели дробови ќе станат единствен колектор  на јаглерод диоксид. Затоа денес преку мала но значајна жртва ние граѓаните на Општина Богданци одлучуваме да ја пренесеме пораката за влијанието на здрава и незагадена животна средина. Нашата активност денес нека е постојан потсетник на свеста која ја имаат граѓаните на Општина Богданци.“.

   Сите учесници на крајот од Маршот се собраа на градскиот парк во Богданци каде  се одржа наградната игра и каде присутните ги забавуваше Александар Белов. Се  доделија разни награди на младите од училиштата на кои претходно им беа  доделени токени кои по случаен избор се извлекуваа и на најсреќните им беа  доделени скироли и велосипеди.
   Целта на настанот беше да се подигне свеста кај граѓаните за влијанието на  автомобилите врз локалниот квалитет на воздухот и да ги охрабри истите за подобрување на нивното здравје и благостостојба со промена на еден нивен ден, во ден на мобилно однесување.
 
   Во оваа манифестација се вклучени повеќе од 2.000 града во 43 земји во светот кои одржуваат различни активности за оддржливост на мобилна култура. Под мотото “За почист воздух, помалку бучава, повеќе пари – користете помалку автомобили“ за прв пат годинава, Општина Богданци беше дел од овие случувања.
 

Општина Богданци организира “Марш со велосипеди, тротинети, ролери, скироли и пешачење„

   На 20.09.2013  година, со почеток во 10.30 часот, а по повод 22 септември – “Меѓународен ден без автомобили“ Општина Богданци организира “Марш со велосипеди, тротинети, ролери, скироли и пешачење„. Овој настан е дел од Европската недела на мобилност која трае од 16-22 септември 2013 година.
   Учество во Маршот ќе земат учениците од основните и средното училиште во Богданци и населените места како и најмалите од детската градинка во Богданци, тргнувајќи од три локации: “Чавдарова чешма“, “Бреботекс“ и Детската градинка “Коста Поп Ристов – Делчев“.
   Сите учесници на крајот од Маршот ќе се соединат во Градскиот парк во Богданци каде ќе се одржи наградната игра, а присутните ќе ги забавува музичката ѕвезда Александар Белов.
   Целта на настанот е подигнување на свеста кај граѓаните за влијанието на транспортот врз локалниот квалитет на воздухот и да ги охрабри истите за подобрување на нивното здравје и благостостојба со промена на еден нивен ден, во ден на мобилно однесување.
   Со надеж дека пораката “Со чист воздух, до подобро здравје“ ќе биде примена, општина Богданци ги покани сите физички и правни лица да земат учество во Маршот и да се приклучат на една од наведените локации.
   Во оваа манифестација се вклучени повеќе од 2.000 града во 43 земји во светот кои одржуваат различни активности за оддржливост на мобилна култура. Под мотото “За почист воздух, помалку бучава, повеќе пари – користете помалку автомобили“ за прв пат годинава, Општина Богданци ќе биде дел од овие случувања.
 
   Покануваме новинари, фоторепортери, во 10.00 часот пред зградата на општина Богданци.
 

Известување за повик за доделување неповратни средства

   

 

   Ве известуваме дека Секторот за централно финансирање и склучување  договори во Министерството зa финансии, објави повик за доделување на неповратни средства (грантови) за предлог проекти во следниве области:

  • Поттикнување на социјалното вклучување на лицата во неповолна положба на пазарот на трудот
  • Интеграција на немнозинските етнички заедници на пазарот на трудот со посебен фокус на жените
  • Зајакнување на улогата на релевантните актери во областа на социјалното вклучување

  Повикот е отворен и за невладините организации. Општина Богданци врз основа на покана од страна на Министерството за труд и социјала политика има превземено обврска да ги информира сите невладини и други организации. Повеќе информации на следниот линк: http://cfcd.finance.gov.mk/HomeMK.html

 

„Фотографирај и реагирај“ во Општина Богданци

   “Фотографирај и Реагирај” е шестмесечен проект поддржан од Проектот на USAID за граѓанско општество, кој е спроведуван од Фондација Отворено Општество – Македонија. Проектот го имплементира Здружението за одржлив развој Милиеуконтакт Македонија.
   Во предвидениот временски период, граѓаните во три пилот- општини (Центар, Богданци и Виница) ќе имаат можност да го користат бесплатниот јавен сервис за пријавување на проблеми поврзани со животната средина.
   Самиот јавен сервис се состои од три компоненти и тоа: мобилна апликација, веб страница и бесплатна телефонска линија. Целта на овој сервис  е што поголем број пријавени проблеми од страна на граѓаните и решени проблеми од страна на надлежните поврзани со животната средина.   
   Сервисот ќе служи како корисна алатка во секојдневниот живот на сите кои сакаат да пријават проблем, а притоа ќе имаат можност  да го следат и статусот на решавање на истиот. Со помош на мобилната апликација корисниците ќе можат да го фотографираат проблемот што го забележале и истиот да го препратат до посебна база на податоци, од каде истиот ќе биде пренасочен до најсоодветниот надлежен орган за решавање на проблемот.
   Самата апликација содржи и геолоцирање на пријавениот проблем со што дополнително се олеснува постапката за пријавување. Исто така, покрај апликацијата сервисот нуди и пријавување  на проблемите преку веб страница и преку јавување на бесплатна телефонска линија  080 023 023.

 

 

ДЕЛОВНИ ИНФОРМАЦИИ

ЛИНКОВИ

 

 

Културни настани

 

 

 

 
 
 
 
 
 
 
Број на гледања на артикли
1051665

Посетители

1654426
Денес
Вчера
Оваа недела
Овој месец
Вкупно
1660
1963
3623
33323
1654426

Server Time: 2018-07-17 18:30:12

 

 

 

 

 

 
 
 
 
 
 
 
 
 
 
 
 
Joomla template by Joomlashine.com